Text und Musik: Anton Günther (1905)
Refrain:
Wu de Walder haamlich rauschen, wu de Haad su rötlich blüht,
mit kan König möcht ich tauschen, weil do drubn mei Haisel stieht.
- Of de Barg, do is halt lustig, of de Barg, do is halt schie;
do kimmt de Sonn an allererschten, scheint se aah an längsten hi.
- ’s Wasser is su klar un kiesig, un de Luft weht frisch un raa,
drüm sei mer aah su schie gewachsen, net ze gruß un net ze klaa.
- Tief in Wald, do wachsen Schwamma, schreit der Kuckuck, springt es Reh.
Über tausend Beer un Blümla streicht der Wind drubn of der Höh.
- Zessig, Hanftlich, Grünerts, Stielitz, allerhand Vögla wunnerschie,
singe tausend schiene Liedla, baue dort drubn ihr Nastel hi.
- ’s is su haamlich, still un friedlich, als wär mer ball an Himmel dra,
denn der Mond mit seine Sterla, scheint net weit von uns derva.
- Bi gar weit ins Land nei gange, wu de Menschen annersch sei,
doch ich bi ball wiederkomme; när do drubn, do is mir fei.